懷 念 暑 期 工 (上)

又是暑假的時候,

出國讀書以前0既暑假,

都是做救生員作為暑期工,



返工.....日日淨係坐.....

基本上冇咩其他特別野做.....

日日曬太陽.....搞到成個黑面神0甘



拯溺, 當時其實唔算難考(而家改左制, 就唔知)

我呢種水水地0既人, 都考到...

操多0的體能就多數掂..

考水試都係拉CURVE...0既0者..

以前好鬆手...


當時男女比例 大概 9:1 左右

始終男性體力佔優

但其實去得考0既女仔, 
多數都好游得...(好明顯係似男性0既女性ONLY)



開頭有幾個月, 去了一個新開0既屋苑做,

雖然那屋苑近我屋企...

但我並不喜歡返0個邊........


蚊叮都是小事, 

一到夜晚, 蛇蟲鼠蟻....一大堆...

當年又冇園丁打理, 根本就冇滅蟲滅蚊


當快下雨的日子, 漫天飛蟻,

很恐怖吧? 未算.....


最恐怖的是, 明早, 一返工, 水面滿是飛蟻屍體

見到都周身痕....


好笑的是, 我們清理完畢又開池,

一定會有殘餘的飛蟻屍體在水上漂浮,

泳客晨早......會食好多 "補品"

冇人投訴肚痛都算係0甘啦..




仲有周不時見到下圖......

初時都唔知係乜, 掃走佢就算......

三日唔埋兩日......就有.......

後來先知, 原本係青蛙 卵泡...


上了幾個月自然科學堂, 

轉去另一個私人屋苑做,

因為有位資深人士.....會處理池水, 泵房水壓等...問題

星期一至五 14:00 至 21:30

星期六, 日....就 8:30 至 21:30

日日返工, 就吹下水, 上更台坐(乾曬),

唔好以為好舒服, 其實水反射的陽光都好勁,

正式日曬雨淋...


不過, 身邊0既拍檔成日都會換,

因為工作時間, 要休息下, 搵人替更,

吹下水, 識下朋友都幾過癮...


好多人會問, 救過人未?

其實真係好彩, 未

亦唔希望救過, 一救過等於爆大鑊...好易出事(人命黎0架)...



下篇會講下, 最驚險0既一鑊 同 泳客同身邊拍檔0的趣事